Hringnun

Ruah phi seng seng do chung chuan muang changin ka kal a .Ka huntawn ka ngaihtuah a, ka tawngtai nasat zia hi .Puitlin lam ka zawh ve mek a ni tih ka inhrethiam a. Ka huntawn ,keima tawka khirh ve tak tak te ka ngaihtuah chho pah a .Ka hmangaih ti a ka chhal ve in min kalsan a, kha pawh eng tin tin maw ka kalpel ve thei hram a .Tun a ka huntawn mek pawh hi Pathian kuta dah bak tih theih ka neilo tih ka inhria a ka innghat tawp rih a nih hi mawle ..Tlangval 2 min kal pel tute titi ka hriat fuh chu dik ka ti hle mai ",Kan dam chhunga thil tha kan tih hi kan nun ve chhan a nimai, kan la thi vek dawn", uangthuang taka a tih lawng lawng chu ka lo pawm pui lutuk tlat .Chu mite ka kalpel a kawnglai a naupang kum8/9 bawr vel lo awm khawm in an duh dan an sawi nak nak ka hriat chuan ka nui suk mai .An ni ang rual ka nih lai ka ngaihtuah a ka ngai vawng vawng mai ..Zan mu lo a tawngtai a ka thut tlaivar te,Dawr a ka awm pah a ka tawngtai mawlh mawlh reng te  hi ka lawm a Pathian hian a mah duh ngawih ngawih a min siam hi ka lawm chhan ber a ni .A chunga ka thlen ang ka nei lo a nih pawn ka vui lo ang tia intiam chunga ka tawngtai te ,ka mittui tla tur duh loa ka insum leh thin te .A hma khan hetiang hian ka insum in Pathian hi ka au nasa ngailo tih ka inhre chiang lutuk a .Ka huntawn ah hian ka lawm bik lo, mahse pawm thiam ka duh a, ka zir mek a .Pathian in a duh dan a, rem a ruat hun ka nghak mek a ni mai chu a nisia .