Hey! Papasita. Ch-1

Chapter-1

"Duati min ngaidam teh, thawhchhuah ka la nei silo a. Kan kal hran hi a hun tawh a ni" titu mipa tenawm lutuk chu ka melh ngawt ngawt a .

"A tha lawm" tiin ka kalsan nghal .

Ka awmrei a nih chuan ka chak loh na mittui  hi hmu in min hmuhsit belh phah mai mai ang.

Ka mittui chu hru deuh tawkin kan inchhung ah chuan ka lut a .

"Mamte chaw  ei ka peih tawh a sin" ka nu in a lo tih chuan ka kil nghal zat a .

Ka nu Ramnunmawi hi khawvela ka neih chhun tak meuh meuh a ni tawh .

Ka nu leh pa diltak ka hrelo a , u mipa chu ka nei thin mahse kum12 ka nih in an lui kalna ah che sual in a boral a .

Ka u min kalsan ni khan ka van mangang tak, eng tin nge ka awm ang tu bulah nge ka kal ang tih reng reng khan ka rilru a buai a .

Nu leh pa tello a seilian ka nih vang khan ka fing fel hma nalh a. Ka u kha ka neihchhun ka khawvel tak meuh meuh a ni thin .

Ka u boral atang a ni2 hnuah ka nu hian min  enkawl zawm a .

A ni tluka mihring ka tawn tawh a fel hi ka la hre ngai lo.

 Lalnunpuii ka ni a tunah kum19 mi ka ni ve tawh a ,ka nu hi kum45  a nitawh .

Ka nu hi a hmelchhe lo a, mahse kei min enkawl avang khan  pasal pawh neilo in min trul pui thak a ni ..

Mipa lam hi a hawi vak lo a niber mai.

Haulawng khua ni in hotelah nitin ka inhlawh ve thin a , ka nu hi puanthui in sum a la lut ve thin.

Nichina min kalsan tu kha ka hotel thawhna neitu te fapa niin an khawsa thei a . Kei nitin a inhlawh school poh class10 pass awrh  hi min duh tawh lo a ni.

"Ka thianten min chhaih phah zela mi zingah ,bakah ka nuten an hria ang" tih a ni a chhuanlam chu . Hah nep lutuk .

Kei hi hmeichhe luhlul leh tumruh ve tak ka ni a . Rethei te mah ni ila mi hmuhsit tur a ka awm bik ngai hi ka hrelo a sin le.

Chaw eikham  ka hnathawh na lamah ka kal nghal a .

Thleng sil tur lo awm chu ka sil nghal vat a.

"Khawi ah nge Lalnunpuii chu a awm a" tia ka thawhna hotel neitu nu au ri ka hriat chuan ka kal phei vat a .

"Pi e nge nita" ka tih zawh rual chuan ka biang a ri nghal thuai mai. Ka biang chu ka dawm vat a, hotela lo chawl te pawh kan lamah an mit a fu thup tawh mai.

"Nang hian ka fapa i lo beisei ve ngam a maw, nang nu leh pa pawh hriat loh chawrchhuahna hriat loh lehkha thiamlo leh nghal chhuak vat rawh ,ban nghal i ni " tiin a ang tawn tawn a .Ka zak lutuk ringawt  mahse chu ai chuan ka rilru natna hi a tam zawk .

Muangchangin ka hawi chhuak a . Ka hma a pi Muani ka thawh na nu en kal chung chuan .

"Pi Muan i hriat sual a nia nge, i fapa hi ka thlem ngailo a ka tibuai ngailo bawk, a man a nihkha min zui kawi a min duh  huam huam  tu" ti ve ngatin ka bag ka la a ka chhuak zui nghal .

Ka thawhna atang hian kan in a hla vak lo a ,kan in ka lut chu ka nu a lo meng phar viau mai 

"Mamte ngati nge theihnghilh i nei a mi" tiin min lo zawt vat a.

"Nu " tiin ka kuah a, ka tap nghal hawm hawm mai.

"Ngati nge a" tiin mak a tih hmel hle .

"Min ban a" ka ti tiau a.

"A pawi reng reng lo, bang tawh rawh le, nula an tap ngailo" tiin ka hnung a chul hliau hliau a.

Kei pawh ka tap chhuak zual a reh deuh bawk a, ka room lamah inthlak turin ka lut a .

Nileng in ka nu puan thuina bulah ka tal hrut hrut reng mai. Khawlla te ka lo thunsak a ka lo inrawlh ve chhen chu .

"I mak  i hlei lutuk" tiin ka nuin min lo khap ve leh thin a ka nuih mai mai.

" Nu enge ka thawh tak ang le" tiin chhuat ah ka mu hual a.

"A eitur neilo pawh kanni lo a hmanhmah thlak pawh a nilo, i thawk rim tawk tawh a lom chawl ve hrih rawh" a lo tih chuan a puan thui lai chu ka en reng a .

Ka mittui a lo hnam leh ringawt tawh .Ka nu ka en chet chet hian  a ni ka nei hi ka vannneih zia ka hriatbelh thin .

"Nu ngati nge pasal i neih miahloh loh le" ka tih chuan min lo melh zawk a .

"Pasal neih kher ka ngai hlei nem ka nei reng che lawm" tiin a nui ver ver a mahse a nuihna phenah hian a hlim lo tih ka hmu thiam tlat a ni.

Tlai eirawng bawl a hun chuan ka nunen kan bawl duna ,kan nufa a kan awm hi chuan kan hlim thei a nia .

 Chaw eikham chuan zinga ka nu 50 min pek chu la in dawr lam ka pan a .

Thim  lai a ka kal chuan min su her lawp mai .

"I tha em" aw thum zet in a tih chuan  

"Tha" ka ti vat a.

Ka kalpelh dawn chuan

"Tunlai khawvel chhiat tawh zia hi" kan ti leh ngat a.

Nui suk ri ka hre pha .

Coffee no2 leh chhang ka lei a inlam ah ka haw leh nghal.

Ka nu nen tv en pah in ka thil lei chu kan ei a.

Dar9 velah kan mu chauh .

Phone hi nei ve mah ila ka khawih tha peih lo.

"Muanzuali mai mai chu zak lo lutuk mai, Remsiama lo vil nasat che nen ,engvanga chu tia lo beng ve ringawt che nge a nih a " tia ka nu dawr kal lo ang hlawk hlawk chuan nimin a thil thleng a hria a ni tih ka hre nghal mai .

"  Nu a tawk tawh" ka tih chuan tui a lem pap a.

"Ka lo ang tui lutuk a ,ka sawi tum tak pawh ka sawi hman lo , taka saw sawlai hotel  lunglei lam a mite lo sak saw , thawktu an la dawn a pawl10 pass  china nia ti ve ta che, dilna foam lak a ngai a" a tih chuan kan in ral a Hotel thar lianpui chu ka en phei vang vang a .

"Awle chaw eikham ah ka ngaihven dawn nia" ka lo ti vat a .

Beiseina a sang vak lo a ni .

Chaw eikham chuan ka insiam a, Hotel lam ka pan nghal a.

Hotel ka thlen  chuan receptionist hnenah chuan 

" Hotel thawk tur kha dil ve ka duh a" ka ti a.

"Heihi foam a nia lo fill up ta che" tiin lehkha min pe chhuak a, thutna an siam ah chuan thu in ka fill up zung zung a .Ka zawh velah ka theh lut leh nghal a.

Ka chhuah lam ah chuan min su leh lawp mai.

"I tha maw" mipa ka aw hriat hnu in a lo tih chuan ka en vat a.

Nizan a mipa tho kha.

" aw tha e" tiin ka tho a ka inbeng fai thuak thuak a .

"Tunlai khawvel chhiat tawh zia hi" kan ti leh hram .

Chhuankimi vang vek .

_________________________//__

A ngaihnawm dawn em tih te kha lo sawi ula aw.