Mu prince charming ❤ ch-19

Spi pov .

Kan inneih ni chu kan thleng ve ta reng mai ,ka hmangaih ber ka nei dawn a ka va hlim chuang si lo em .

"S" ti a Bibi lo lut chu ka lo nuih sen sen a .

"I mawi lutuk" tiin min lo kuah thuak a .

"Khawi nge i hraileng te " zang vah in ka lo ti .

"A pa bulah ka dah " tiin a nui suk suk a .

"S thil sawi duh ka neih vang a nia ka lo hmuh fal che " thutak deuh zawk a, a tih chuan  sawi turin ka ti vat a .

"Ka u hian a duh leh hmangaih zia che ka hria a ni, mahse hmana thil thleng vang khan a hel tih ka hria , a tih hreawm che chuan min lo hrilh nghal vat ang che" a ti zung zung a .

Keipawn  ka hria  a lawm , kha thil theng chung chang kha kan chhungkua leh Bibi chiah hian an hria .

Hero chu hrilh ka tum buai peih lo ,a hriat hun hun ah hrechhuak ve mai rawh se .

~~

Inneih hun serh a zo a , in lamah thian te leh chhung hnaivai te nen kan la awm luih luih mai .

Khawnge Hero pawh hi a awm ka hre lo .

A bo daih mai a.

"Cinderella" U Rinfela min auh na lamah chuan ka kal vat a .

Hmeichhe pakhat nen  an lo ding dun .

"Ehem" an bul ka thlen chuan ka ti a .

"Heihi Esi ,Es hei hi Spi ka nau duatsual" tiin a bula mi nu nen chuan min inhmel hriat tir a .

A nui sen sen a a hmetha reuh lutuk .A fel viau pawh ka ring.

Kan inbe luam a , mikhual dang an lo awm ve leh bawk nen  rei pawh an bula awm lo in ka kalsan leh a .

"In monu tur a lo thleng e" U duatan a ti chuan ka nuih a za lutuk .

Bialnu a nei ve ngei a heipawh Christina a ni ,a hma a kan ina a lo hruai kha , a fel reuh phian a mahse a zakzum reuh lutuk .

"Khatin ti suh a zah em hi" tiin ka lo khak vat .

Upa ve tawh mahse  a nun a hlim a niang  a naupang chhe thar tlat .

"Khawi nge zothana hi " tiin a hawi kual vut a .

"Ka van hrelo e " tiin ka zawng khaw mawi leh hnu hnawh a .

In hnung lam ka pan lai chuan tawng bul bul thawm ka hriat vangin ka pan hnai a .

"Henu i neih hi e nge a trul na" Hmeichhe aw in a tih chuan hriat chian tumin ka pan hnai a , inhnung lam balcony atanag lo chhuak a ni .

"Ka neih a ngai tlat ,ka fa nunna latu a nih hi" Hero aw ka hriat chuan ka in sang mar awt thei ..

Ka bih dek dekna , duhthawh taka an lo infawp chu ka hmu chiang ngang mai .Hmeichhia hi ka hria , an hotel a manager thar nu kha a ni .

An lo inkawp reng tihna mi, mahse tinge min neih ,phuba la turin maw .

Ka mittui lo luang ngiai ngiai chu ka hru deuh tawk a .

Ka hawilet chiah chu U Rinfela min en reng a lo ding run ka hmu thut .

Ka nuih suk a , thaw deuh hawk in .

Min lo pan hnai a .

"Lo kal rawh le" ti dam thlupin min kuah a .

Ka tah insum chu ka hmui ka pet fan fan mai .

Phuba lakna tur ka ni tih ka ring nghet bur tawh .

"Tap lo la i make up kha a pherh vek mai ang" tiin  ka chhip a fawp vang vang a .

"Saw ti lamah phei ang le" tiin mi dang awmna lam min pan pui a .

Hero te in len zia chu ka sawi tawh kha .

An inpui living room hi hall ang reng deuh hian a zau huau a .Tah chuan kan awm luih luih mai .

Jerome (hero) pov .

"A bialpa em ni" Sangkimin a tih chuan ka rum nghut a .

Spi leh Rinfela in kuah phei chu ka en ngut ngut mai .

"Khatiang thil kha thlen nawn tir tawh suh ang che" tiin ka kalsan a .

Nichin mai khan min fawp thut a nih kha , e nge ka hriat tehreng ni Remsangpuii ka hmuh khan ka tum loh tawp in ka kiss let a nih kha .

Mi lo awm na ka thlen chuan thiante leh hmel hriat te ho nen kan inbe leh liam liam a .

Boruak ka ning tawh viau ,mo neitu ber awm bo daih thu awm suh .

"Inbe lawk ang hmiang" Spi u Duatan a tih chuan ka lehkhabu pindan lam ka pan pui a .

"Sawi la" ka lo ti tha ve mai .

"Ka nau hi tina ngai suh ang che, rilru na leh kehchhia a i siam leh a ni chuan kei ai nasa tur an awm lo ang . Ka that duh hial ang che" min ti nghal hluk a .

" Ka hria a lawm " ka lo ti ve bawk a .

" min tiam thei em, a rilru i tihnat sak leh a nih chuan i be emaw i hmu leh tawh ngai lo ang." A ti khauh leh tang mai.

'Ka hria e ,hlim takin siam ka tum ang" ka lo ti a ,ka tum ve bawk a ni .

Spi pov.

Zan lam thalai te tan party an buatsaih a ka chauh deuh vangin rei awm lo in dar9 velah kan room tur lam ka pan daih .

High heels nileng a bun chu ke a na kham vek , chauh a na khawp mai .

Dar11 velah Hero a lo lut a .A jucket a ha tha mawlh mawlh chu ka en reng ringawt , e nge tun ang hunah tih a tum le.

"E nge i tih dawn?"  ka tum miah loh in ka ti chhuak leh hman .

"Ka chhuak dawn ,min lo nghak suh ang che" tiin a motor chahbi a ban nghal zat a .

" Lo mu la , hotel ah ka riak dawn nia" tiin a chhuak zui nghal .

Ka thin hi vih ang mai in a na et et mai , ka pasal chua

n kan inneih zanah hotelah min riah san dawn a nih chu .

E nge a lak atang hian ka phut chiah ni le , ngati nge hmana mi kha a maw ka lo tih leh thin .

Ka mittui lo luang chu hru tawkin ,khum atang chuan ka tho chhuak a .

In hnuai ka chhuk chu a lo reh vek tawh .Inleng an haw tawh a niang , a la tlai vak loh nen .

Fridge chu hawng in cake lo awm chu ka la chhuak a .

Ka ka a leng tha lo khawp in ka in barh chiam mai , ka rilru nat chang hian hetia tih hi ka ching thar a a buaithlak ,ka ril tam pawh a nilo .

"Si" Bibi aw ka hriat chuan ka harh kawk mai .

Ke thil ei na ka tawng thei rih silo ,tui thli chhuak in ka in  a ka helh teuh lutuk .

"I riltam.a nimaw" ka bula lo thu thla chuan a ti a .

" nia ka ei chak deuh thut a " tiin ka lo chhang ve mai .

"Kan pa tui inchhawp a zo a ka lo la lawk " tiin a tho a , fridge atangin tui a la chhuak a .

"Sawi duh te i nei em" min ngaihtuah hmel deuh a min en chung a, a tih chuan ka lu ka lo thin san a .

" a nih chuan ka chho ang aw , muttui le" tiin an room lam an pan a .

Zanin an lo riak dawn tak a nih kha mawle .

~~~~~~~~~~~~~~

Ka va chawl rei vang vang em .

Result tha tak ka nei a nia aw, zantin ka hman kher loh pawn zankar thlak talin ka lo dah leh tan ang aw , karleh velah tih tawp kan tum a nga , story thar te pawh dah leh te kan tum a nga .

~~~