Remember ch-9

REMEMBER 🦋

Chapter-9

June 24, 2021

🌹🌹🌹🌹🌹🌹🌹🌹🌹🌹🌹🌹review:

Zanah Dustin-a alo Leng leh aa ,ka u roomah an awm a kei erawh ka room balcony ah bawk thlifim dawn pahin ka thu Mai Mai aa . Hepa hi ka hmuh zin pauh leh a tha tulh tulh mai leh nghala inthiar fihlim vat ka ngai ani

******************************

Dustin P.O.V

Roberta room ah awmin guitar chu kan zut kual ta vel a ,chutah Cindy zai lai a aw tham mawi leh tlang rala a zai lai kha ka hrechhuak zawk a.

Ka mitthla ah khami ni a thil thleng te kha ngaihtuah let nauh nauhin ka khi suk a.

Bena chu lawmthu hrilh leh hnu/hna hnawh te ka duh hial a ni . Khami ni Khan ka peih lo chung Chung min sawm chhuak lui kha ania ,lo kal lo ta ila he hmeihchhia hi ka tawng awm tawp si lova ..

.Ka rilru leh thinlung hian a hming a lam tluk tluk a ,ani lo chu ka ngaihtuah hlei thei tawh lo, mahse ka lanchhuah tir duh hauh lo ,a rilru put hmang ka hre ve love chu tih rualin bialnu neih leh hi ka hlau tawh Ani ,

Fiona kha ka hmangaih hmasa ber ani a , mahse thihna kut vawtin manin khawhar leh mal takin min kalsan a;ka duh leh hmangaih hmasa ber anih avangin ka tuar na hle a ,a hlim chhawnah phei chuan awih pawh ka awih phal lova, ka at phah thelh Ani .

Chumi hnu atang chuan hmeihchhia hian ka nunah hmun an Chang ta ngai lo hrim hrim a .Hmangaih ka neih leh a ,bialnu te ka neih leh chuan min kalsan leh mai ka hlau Ani

Mahse he hmeihchhia erawh a danglam, ka hmuh tir atangin ka ngaihven a , abula ka awmin ka hlim a ka nervous viau thin bawk .

Hetiang hian Fiona-in min boralsan hnu atang khan ka awm ngai lova ,ka awm leh na hmasa ber ani

Robert an a phone ah games a khel a ,khel ve turin min tia mahse ka peih zawng ani ve hauh lo .Ka phone la chhuak in gallery ah ka lut a , Cindy thlalak a ruk a ka click ho chu ka en malh malh a ka lo nui leh vur vur zel

Aww...thil pakhat henu ka tawn atanga ka ching chu a ruk a thlalak ka ching paparazi ang mai .Chupawh tudang vang nilo in, kan thinawrhi vang bawk .

Aww..thinawrhi ,a u kauh thin Dan Ani ,,A u Chang pawh ni loin an veng Mipa thenkhat pawn an kau thin ka dem hran lo a thinchhe em Ani “keite kawlh chi"hi ani ringawt...

Ka phone a Cindy thlalak ka en melh melh lai chuan Roberta chuan ka phone chu min chhuh thut a ,a en ta pawi lutuk

“euuuu...bro lehh"

Tiin a nui var var a min en run mai ,mahse pangngai deuhin ka awm, mahse ka zam ruk Zia leh ka thinphu ran Zia chu kei chauh lo chuan an hriat ka ring lo

“ka nau hi I duh Ani maw"Hrep hian ,mihring hi a va zam theih ve .

“khawmaw lo la teh" ka ti hluk a .

Ka phone chu ka la aa ..ka ak tha hmak a ,inkuangkuah deuh hmak in hmalam ka en run mai, zep lo chuan ka en tha mai ngam lo ani, la rei lo viau mahse kha leh Chen a thian leh a unau pa angin min en a ,anau ka lo duh leh daih si chuan rilru dang a pu ang tih ka hlau a ni .

A thaw hak a inkuangkuah vein a khabe a tuai nauh nauh a

“ Ka nau bialpa tan ka pawm Che nia"

A khi suk a ,mak ti zetin ka va hawi phei a

“Ani pawh hian a duh ve deuh Che niin ka hria "

Chuthu ka hre zet phei chu lawmna leh mak tihna hlirin ka khat ka khi deuh vur vur aa

“Mahse engtik tangin nge" tiin min zawt leh a ,chutah ngawi ta bik lovin

Ka intawn Dan leh ka duh tan Dan te chu ka hrilh aa ,Fiona i nen kan chungchang pawh ka sawi tel bawk a.

Ani pawn Cindy bialpa hlui chungchang min hrilh a ,a bialpa neih hmasak ve ber anih thu thlengin .

Mak ka ti bialpa vawikhat chauh ala nei chu ,anau chu ka duh vangin lawmthu te a sawi a ,keimah ka lawm daih zawk Sia .Tina lo hram turin min ngen bawk a .

Roberta hnenah ka in puang ta phawt chu ania . Mahse a u ber-in min duh a Kan inkawm ngaih bawka a tha fu .

Inngaihzawnna ah hi chuan an chhungte nel a kawm thiam hi tha ve deuh ania .Mark kan score tak zeuh chu 😉

Cindy hmangaihna thawnthu chu a tluang bik lemlo .Atan chuan ana ngawt ang bialpa hmasa ber kha ni ve si a .

Mahse ka tuamdam in atan ka awm zel tawh ang ,alo tlai ta bawk nen ka haw phei ta a Roberta hnenah chuan engmah Cindy lo hrilh rih lo turin ka chah aa “aww " chu alo tih ve mai kha ,rin phawt loh chu tih theih dang awm hek lo.

Roberta P.O.V

Chutia Dustin-an ka nau a duhthu a sawitak ah chuan ka hlim ve hle a , chhan pawh Dustina hi mifel leh rinthlak tak Ani a , a mitmeng ka en hian ka nau a duhzia pawh ka hmu thei tlat Ani .

Ka nau hi ka nau neihchhun a ni a ,ka hmangaihin a hlimna ka duh em em a ni .

Ka lakah zep anei ngai lova Freddy nen an in ngaihzawn thu min hrilh a ,a hlim zia leh a kawp tih a hriatchhuah hnua mittui tla zawih zawih a min hrilh lai te kha ,ka ngaihtuah let chang chuan ka rilru hi ana thar leh thin a ni .

Ka nau hi hmeihchhe luhlul leh tuarchhel tak a ni a ,a mittui a tla khat hle bawk .Khatia a mittui tla ka hmuh khan insum zo loin Freddy pawh ka khawih nghe nghe a ni.

Dustin-a alo lan ni, nutei fapa anih thu kan hriat ni a an in melh dan ah khan, keichuan awm a awmin ka hre reng tawh a ni..

Sawmtei ka hrilh chak thut a ,a number ka hmetchhuak nghal a mahse atha ber angem

.Imm...ka nau bulah chauh alawm ka sawilo ang ka tih bakah ka bialnu hi ka ring tawk a, a sawichhuak hauh lo ang ka call ta nge nge ee

“immm,nge nita "

Rei vak loah rawn lain a ham bai bai a

“naktukah inhmu Ang ,thil sawitur ka nei "

“engthil maw"

Mutchhuah hmel zet hian alo ti

“imm ,I hman ang tiraw ,dar10 ah ka lo lam ang che "

“awlee"

“muttui"

“muttui Le"

Phone chu ka dah a , naktuk nghakhlel takin ka maimichhing ta aa

Hmeichhia ang mai ka ni, ka va lawm awmve ka sawi chak viau ni 😂

🌹🌹🌹🌹🌹🌹🌹🌹🌹🌹🌹🌹🌹

A va tawi ve ,mahse a ziaktunu hian dah loh tawo aiah a lo ziak a nih hi aw, an buai ve ang reng a .