Remember ch-24

REMEMBER 🦋 eps 24

July 10, 2021

🌹🌹🌹🌹🌹🌹🌹🌹🌹🌹🌹🌹🌹

[First Person] ang in ka ziak leh aw.

Tichuan Cindy leh Dus chu an inphur chhuak ta a , an tlan muang lemlo hle Cindy chuan chelh han duhlo viau mahse Dus speed chuan a zir em bawk a nghet tak chuan ka kuah bet a , Dus erawh helmet phenah khi sukin hma lam panin a tlan zel a .

Lehlamah erawh Jessi chu a inhumruh nasa ngei mai , thinrim teuhin Daisy scooty hnungah chuan a thu ran a , a mittui a tling piau bawk .Daisy chuan a be ve ngial a, biak hrelo ang maia awmin a chhang lo .Daisy pawh chuan be zui loin an inlam pan chuan ngawi rengin a tlan pui a ,an hnungah Bena'n bike in a zui ve bawk a Daisy te inlam ah a leng kawi dawn ani.

Dus te inkawt an thleng chu Jessi chu ngawi rengin a chhuk a ,lawmthu pawh sawi loin inah alut zui nghal zat .Daisy leh Bena chuan mak ti zetin an en ringawt ,Daisy chu Cindy te inah lut kawiin Sawmtei alo awm a Cindy te chanchin a hrilh hnuah chhuak zuiin Bena nen an inlam panin an inzui chho leh a .

*Cindy and Dus *

Dus chuan Cindy chu hmuh reh leh mi awm vak lohna hmun khaw thlir nei tha zet leh hmun thawveng zetah hian a hruai a ,Cindy chu a han kawi kual a a hriat ngai ani hauh lo .Dus chu a bike atang chuan a chhuk a ,a helmet a phelh a bike nghengin a ding zui in a kekawr ipte a zen a , Cindy chu a melh kar mai ani erawh alai deuh ti tih a, a thinrim lak lawh ve nen awm dan tur vak a hrelo ni .

“sawiduh ineiin ka hria ",

“keiman maw " ,Za lo zetin anui a .

“ka neih pawh ka hrelo a " ngeiawm zetin a tih chhunzawm leh a .

Dus erawh alo nui suk ,chutia Dus nui a hmuh chuan a thinrim leh deuh si zawite chuan a phun leh sup thin .Dus lam pawh melh loin a sir lam te chu a melh kual a , a ner leh nawng nawng thin Dus lawn zawng a tling thin e .

“haw ang ".

“Timaww".

“I bulah ka awm peih lo ".

Dus a nui hawk a ,Cindy erawhin a ngei leh hle a rilru in setana sawn ati malh malh a. Dus a chu ben fawk a chak ani .

“ Jessi pawh itih hrilhhai em kha ,alo nghakhlel viau ang che ".

Thikna aw a hriat tel theih ,chu thil chu Dus pawhin a hrechiang fu ni .

“Keichuan nangmah lawm ka thlakhleh,hetia I bula awm hun hi ka lo nghakhlel tawh viau sin ".

“I zak thei lo siah ,ka ten che ".

Dus alo nui hak hak a .Cindy chuan a melh ram ram a .

“Hei min melhhlum itum a mi ".

A ai a rumin a melh leh a ,Dus chuan Alam pawt hnaiin hnung lam atang akawnga kuahin a lu chu Cindy darah a nghat a .

“ka ngai tawh che ,thinrim tawh lo la".

“I tenawm kalteh ,haw vat ang".

Tih pahin a tal chhuak a a ruk tak chuan Dus a kuah chu nuam ati in a la thlahlel em em a mahse a luhlul na chuan a la tlawm tir a thei lo ni .

“I thinrim reh hma loh leh kan inkar kan sawifel hma loh chu kan haw lo ang".

A ti ve hmak Mai a Cindy chuan a tawp atawpah a sawi chhuak leh ta nge nge e ,a sawi hnem bawka atawng zo chu a thaw hawk mai .

“I thik tihna mi".

“teuh lo ,eng vangin nge ka thik ngawt nga ".

Immm thik anga ngaih chu a duh bik miah lo .Dus pawh a nuih a za hle a, mahse Cindy a thinrim belh a buaina a thlen belh a hlau bawk si nen a nui chhuak lo hram e .Cindy hmeihchhe luhlul leh lunglian lutuk a thinrim chuan thil thleng tur a hre tlat ani .

An inhau anga Cindy lah thinrim rei thei reuh bawk nen , ni khat lek be lo leh hmu lova awm kha a duh tawh lo ani ber e .Vawikhat a thleng tawh a hreawm a ti hle anih kha Cindy lah chuan a ngaihsak duh der lova angai em em a nih kha ,chu chu tawrh nawn leh a, thlen nawn tir leh a duh tawh lo ani .

Cindy chu a kawngah kuah bet in a melh vang vang a Cindy erawh alo tang tung thung .

“Ka tihpalh ,naute "

Cindy pawh a nui ve leh ta e mahse a rei lo, han mengrum lui lehin 

“I phurh leh vaih chuan "

“Phur tawh lo Ang ,ka rualin kal zel tawh la "

Cindy alo bu nghat a ,induh hmel zetin an inmelh vawng vawng a thli thaw heuh heuh leh tlai ni tla tur kawlkil a eng sen deuh phut te chuan a ti romantic ngawih ngawih .Thli lo thaw chuan Cindy sam chu a chhem leng deuh sang sang a ,Dus chuan Cindy sam Leng vel tuai rema a benga zep Chung chuan a nui suk a ,a tha chiang ani Cindy bek a dawmin a pawt hnaia akiss leh ta vawng vawng mai .

Hun akal ve zel a Roberta pawn a hna lam a zawm a an la hlimthlang hlawm ve zel e . Cindy pawh lehkha zir lamah a rilru a pe ve a , a zir ve nasa thei tauh tauh hle ,Sawmtei pawh a felin an fak hle a ,Roberta chhungte nen pawh an inngaihzawn lai atang tawh a innel leh inhre pawh tawh an ni a an inngaihthlang in an hlim thei hlawm khawp mai .

An inchhungah chuan hlim nui ri hriattur a awm awl lova , chhungkaw awh awm tak an ni ve chiang ani .Cindy leh Dus pawh College lamah an luck dun hle a ,mahse an ni erawh an pahnihin an hlim a lengdang hawi zai reng rel an tum bik lo .

Jessi pawn Dus hnaih tumin beihpui athlak nasa hle a, engtak thleng ang maw huatna nen itsikna nen a tangkawp dawn chu ani si a .Mahse hmangaihna chuan thil a ti thei a , pumkhat tura khuanu duan tawh chu tuman an then hrang thei ngailo .

May thla alo her chhuak ve leh ta reng a , Cindy,a u Mama leh an pa ber pawh naute hming tur phuah in chuhin an in hnial nasa mai ,atawp atawpah Pi Lawmi(cindy nu) chuan .

“Keiman ka phuah ang "ati ta hmak a an en thap ringawt tichuan eng sawi ta lo chuan an ngawi zui ta thiap a .

Zanlam dar 7 vel ani a Cindy chuan Dus a nawmsam loh hria in a eitur siamsak kengin phur takin a phei a ,Dus pawh a hrilhlawk hran lo in ava luh chuan Nu Siamtei(Dus nu) chu chhuah tum ni awm tak hian alo awm a .

“Ehee ,nutei chu zan zanah khawnge I kal dawn "

“Bungrua lo thleng thar a ,ka va en ange ,eitur ilo keng Ani maw"

Cindy thil khai melh pahin a ti a

“Immm , Dus ta tur ka siam ve ngat"

Inti thei tak leh nui var var hian alo ti a.

“imm ,a roomah a mu hahchawl nih kha han chho rawh keipawh kan kal ange".

A chhuak zui nghal a Cindy pawh room lam panin a chho a , a hlim hle Dus room a thlen hma deuh chuan hmeihchhe nui ri a hre leh thin ava thlen chuan Dus room atanga lo chhuak ngei ani kawngkhar chu tlem hian alo in hawng deuh a zawi muanga ava lut a thil hmuh chuan ati nghing lawih mai. A eitur Ken chu thlauh nghalin a hmui hupin a ding khur zawih zawih a ,an lo hawi ve chiah bawk .

Rang lutuk in a tlan chhuak nghal a , a mittui tling piau chuan a khaw hmuh te chu a ti phe vek a , a hmalam pan chuan a tlan mawp mawp .

Dus pawh chuan a um chhuak ve nghal a ,Jessi erawh hlawhtling in tih hmel takin alo khi sawng a .Dus chuan a hmu zui hauh lo thinrim taka a room lama let lehin a khuma lo thu Jessi chu mitmeng hlauhawm taka melhin a banah a tham tho nawk a.

“Engthil nge i tih kha"

Jessi erawh in mitmeng no zeta melhin Dus awm vel chu a chul kual thuak thuak a .

“Zo ila "

Tih paha kiss a tum chu Dus chuan khumah chuan a theh thla nawk mai inherin a hmai a tuai pawka thinrim lutuk chu a rum hawk hawk a .Jessi pawh chuan a melh reng ringawt 

“Chhuak rawh "

Ati vin thak a Jessi pawh a phu nasa kher mai chutah Jessi lam hawiin hlauhawm leh rum lutuk in a melh a Jessi pawn engdang sawi loin a chhuahsan ta a.

Ni e , khatia Cindy va lut khan khuma jessi ruak deuh thaw thang a lo awm im , Dus-an khuma lo bawhbet chung in duhthawh taka an in kiss lai a va hmu nih kha thawmhnaw mumal an inbel lo bawk nen , ngaihthat theih viau ani lo .

Jessi chu a roomah lutin darthlalang hmaah a ding a nui sakin .

“ Min tihnatna man anih kha ,ka hmangaih min chhuhsaka ,I hmangaih ka chhuhsak ve che nih kha anat zia chu I hrethiam ve ngei ang" tiin rapthlakin a nui chiam a .Ramhuai ang mai a rapthlak in a ni a nuih ni .

Dus chuan Cindy chu angaihtuah kher mai reife angaihtuah hnuah Roberta ava call a Sawmtei zawkin a lo la a .

“hello ,Dus nge nita"

“Sawmte, Roberta a awm em "

“A inbual lawk a , kan pe nge "

“Angai kher lo, Cindy inah a awm em? ka hreduh mai chauh"

“nichin khan a chhuaka ,alo la let lo a kalna erawh ka hre miah lo ka nu bulah chuan a sawi a "

“awlee"

Phone an dah a Daisy a text leh nghal a ni pawn a kal loh thu a sawi 

Dus chuan thil thleng chu angaihtuah let a inchhir hmel tak a ni ,amittui te chu a thla leh fap fap thin , mipa pawh rilru a hah tawh tak tak chuan mittui a lo chhuak ve a nih hi , bang te chu a hnek leh pawp pawp zel bawk ,Jessi chu a huain a ten ngawih ngawih 

*Thil awmzia chu*

Khatia alu na kha Dus chu a roomah a mu a , Jessi chuan nachhawkna leh intur alo ken sak a alo ei ve mai .Rei loah a muhil ta a ,zei fahrana chultu vang chuan a harh riai riai a, mahse a lu a hai deuh chhul thung a mit hmuh pawh a chiang hlei thei lo , amah chultu chu a hmu chiang hlei thei love mahse a chang chuan Cindy nui hmel a hmu leh thin , tichuan Cindy maw tiin tikhan a che ta mai kha nia thil pawi erawh a thleng hman lutuk lo nain Jessi plan erawh a hlawhtling fu .

Jessi khan Dus in turah khan damdawi chi khat alo pawlh chu niin .

Dus pawh chu a nawmsam loh avang chuan alo muhil leh sek ani ngei ang , anu in thlaphan hmel taka a sawi nawk nawk chuan chiang lo ruai hian aharh a mahse , a nu thusawi ri a hriat rual chuan a harh chiang ngang mai ,anu chuan thlaphang leh aw khur deuh dar dar hian .

“Bawiha ,Cindy motorin a su damdawiin an pan pui mek" ati nih chu .

Dus pawh chu a â ruai a mahse a rei lo insiam sawk sawkin anu nen chuan damdawiin lam panin an chhuak ve nghal a.

🌹🌹🌹🌹🌹🌹🌹🌹🌹🌹🌹🌹🌹

Muttui u hmeltha ho