Remember-29

REMEMBER 🦋 eps 29

July 15, 2021

🌹🌹🌹🌹🌹🌹🌹🌹🌹🌹🌹🌹🌹

Dus P.O.V

Ka hma a hmeihchhe ding chu ka en reng ,alo danglam ve tawh hle mai mahse ka thinlung chhungrila a hmun chan tawh erawh a danglam ve lo ka rilru leh ngaihtuahna atang pawn ala chhuak hek lo .

Ka van ngai ngâi tehlul em ,ka ngaih thu hrilh a kuah vawng vawng ka van chak tak .Ani pawh chuan Chiang takin min melh ve kalh a ,asam sei chuan ati lang deuh nain a ti duhawm takzet .Ahma ai erawh in a cher ve deuh thung ,mahse chhe zawr ang kha chu Ani lo a vun nung leh no sar te chuan mi a hip ngawih ngawih 

Ka en reng lai chuan ka nu alo chhuak ve leh a Cindy bula dingin 

“Cindy ,Ka fapa Dustina aw"

Cindy chuan alu abu ngat ngat a ka nu bawk chuan

“A zin hma Khan I hmu hman thoin ka hria " ati leh a cindy pawn “immm" alo ti leh vat a 

Nui var varin akut alo phar chhuak a 

“Cindy ka nia, ka u thei ang che tiraw "

Ka lo nui sup a ka lu lo bu ngut in akut chu ka vuan ve a ,a nui seih mai a , en vawng vawng tham ani .Ka indahfel hnuin ka inbual leh a ,ka room ka luh chuan cindy nen kan awmna fo ani avangin ka mitthlaah alo lang uar uar a ,sulhnu runthlak tak ava ni tehlul em . Tukverh atang chuan tlai ni tla tur kawlkil a sen phut mai chu arawn inkap lut rain a ,tukverh lam pan chuan ka kal vata ,hmuh theih chin lam ram chu mawi Tak ani thlasik lai ani be bawk nen boruak nuam Tak Ani .

Hmeihchhe nui ar ar ri ka hriat chuan ka hawi thla vat a , Cindy leh Kimi an lo ni thla an la anih hmel e Cindy chuan ui a in fiampui a , a nui leh ar ar thin a keipawn nui var varin ka thlir ve ta reng a 

“Bro"

Aw lo chhuahna lam ka hawi vat a Roberta alo ni Cindy room balcony ah lo dingin a alo nui var var a ka lo nuih let ve sak bawk 

“Ilo haw tur te chu min hrilh ve awm,in be ngailo kan ni pawh ani si lo" lungawi loh hmel lek lek hian ati a lo nuih supin 

“Lo surprise che u ka duh lom "

Aner deuh suk a cindy te lam a hawi thla a ,kan titi mawlh mawlh lai chuan room lam atangin 

“Robert, ka pa va hruai lawk angai anih chu " alo ti lang Lang a rei vak loah Sawmtei alo lang nghal bawk min hmuh chuan mak atih hmel ang reng ka lo nuih a min lo nuih let ve bawk ,a pum chu a puar deuh ul tawh mai an itawm bik mange .

An ni pawn min kalsan leh ta a, van lam ka hawi vang vang a ,alo nalh phian nen ka phone phawrhin thla ka la kual a 

“U Dustin ,heii"

Ka hawi thla a Cindy-in nui var varin akut alo vai lauh lauh a , ka lo nuih let ve sak a rei loah inchhung lamah an lut zui ve leh ta ani 

[First person]

Christmas pawh buaina em em awm lovin nuam takin an hmang ve e ,Cindy pawn Dus chu hrechhuak rih lo mahse eng tikah emawni chuan ala hrechhuak ve leh ngei ang .Cindy pawn dus chu a ngaina hle a ,an inkawm ve leh thei phian Dus erawhin chutia awm chu har tih Chang anei fova mahse a that zawk beiseina nen chumai bakah Cindy bulah awmin a nui hmel te a hmuh theih phah nen ,amah pawn athat puiin anui hmel an hmu zing ve leh ta hle a chhungte leh pu Ruata te chhung pawh an lawm hle 

Kimi pawh an khaw lamah a haw ta lo law law chhan pawh bialpa anei ve tlat a,a bialpa hi Cindy te veng tho niin thla hnih Dawn chu an inzui ve tawh ,Bena leh, Daisy pawh inhauh chang nei mahse Daisy in a zir bawk a an la inzui tluang ve zel e ,Upa pahnih nupa a insiam hial tawh te pawh an la inhmangaihin an la hlimdun hle a Sawmtei pawh a dul a lian tawh hle thla thar lama neih an beisei ani. 

26th ani a tlai lamah Christmas ruai thehin puar pawh an puar tlang hlawm hle.Zanlamah chuan Puitling ho chu an zaikhawm ve leh a , anni ho erawh angai tein an awmkhawm leh Sawmtein eitur eng eng emawni asiam a , cindy lah pek chuan a va vil chawt a atem atem mai 

“a tui e ,van tui chiang" ati deuh reng Mai a an nuih tawp 

Dus pawh anui ve leh suk suk tawh a,Kimin a fiam zauh zauh a Roberta lah a phawk chi lo nive bawk nen an nui an nui ta mai .Cindy pawh Dus bulah a thu a ,chips vel a pawm deuh tun a ei hi chu a duh ve mange .Dus pawhin a nuih a nuih ringawt Mai ,ani lah chuan eng a hria nimaw an in la cute thul ,chang leh anui leh uar uar a 

Vawikhat phei chu Dus lam hawiin an in la cute kual vel mai chu Dus chuan kâ hauin a melh reng ringawt .Cindy lah chuan nuih deuh pat pat pahin a ai uarin an ti leh a Dus lai lutuk chuan chips chu an barh nghek ringawt a awm ve dang te lahin an lo nuih uar uar mipa awmve te pahnih Roberta leh Bena lah a phawk chi an nive bawk si nen .

Dus lah chu a tho a thuthleng dangah a va thu ringawt a,Cindy lahin alai tih a hre fuh bawk nen a zui zel mai si Dus chu melh kalh in a hmui te an tipawrh kual vel a ,Dus chuan a en vung vung a vawileh khatah a kutzungchalin Cindy chalah a kawk dak awrh a Cindy lah chu a nui hak hak a Dus lah chu a lung a phu rang nasa ngang mai 

Truth or dare khelin an thu bial laih a , an thil in tih tir lah chu nuih zatthlak lawm tak ani , Bena chuan bottle chu an tuai vir zeuh a Cindy ah a tawp ta chat mai le an melh thap a alo nui seih thung 

“truth or dare " 

“truth "

Bena chu a maimichhing vang vang a 

“immm,mipa duhzawng "

Cindy alo nui hak a an melh deuh thap mai

“Thudik Tak aw " Bena'n alo ti leh a 

A ngawih vang vang hnuah 

“Ihh ,U dus ang hi"

Dus amelh zeuh a,a sen ap ap mai us lah aphawk nasa 

Roberta erawh alo nuih sak thung Cindy chu a zak ve deuh si nen an melh thap bawk si a zah zelah bottle chu banin a tuai vir ve leh nghal zat a ,an insiam rem ve leh nghal mai bawk Dus erawhin ngaihtuah anei a mahse hriat theih ani lo 

Dar 9 vel ah chuan door bell alo ri tlang tlang a Kimin Ava hawng a ,an ri hlut Mai .Rei loah sitting room lamah chuan a bialpa Hardy leh a thianpa pakhat nen an rawn inzui phei a ,an lo be ve Liam Liam a .

Hardy thiqnpa chu Hriatpuia alo ni a ala upat hmel lem loh ,a hang lova a ngo lutuk chuang lo sanglam niin a hmelchhe hran lo a tawngkam hman velah leh en mai chuan a sual hmel lem loh,ani erawh ramthar lam anih hmel .Cindy chu a melh leh zauh zauh thin a ,a mitmeng chiang taka en tu tan chuan hriatthiam loh chi rual ani lo 

Dar 10:30 a pelh hnu chuan an haw ve ta a ,Daisy leh Bena pawh an haw ve nghal bawk Dus erawh ala awm thung a.Cindy chu a en vang vang a Hriatpuia a hrechhuak nghal .Ni e Hriatpuian Cindy a melh leh thin kha ani chuan alo hmu tlat ani ,a rilruah ngaihtuahna tamtak alo lut a ,a thaw leh hawk thin. A ni pawh rei loah a haw zui ve ta a ,a khum a let thla leh hnawk a Cindy ila cute lai hrechhuakin a khi suk a maimichhing in a mu zui ta a. 

🌹🌹🌹🌹🌹🌹🌹🌹🌹🌹🌹🌹