My Prince Charming ❤ ch-16

Chapter-16

Khumah ka mu top a ,inthlak pawh ka peih lo, ka chau ngawih ngawih a ni (tuna ka omdan😂)

Ka hmui chu ka khawih a ,min fawh ngei kha ,ka ngai vawng vawng mai .

Mahse chu thil chu, ka tan hian a nuam lo,ka rilru a tihah a min ti chau zual bawk .

Nakina mi ta ni mai tur , ka lo thlakhlelh a ka lo ngaih ve ringawt hi thil dik pawh a nilo, 

~~

Ka hmai a ni(sun) in min chhun chuan ka meng siar siar a, nizan khan ka lo muhil tlang a ni ngei ang .

Tho in ka intifai a ,inhnuai ka chhuk chu ,Hriati leh U Duata an lo inhau .

"Ngati nge" ,ka zuk ti satliah a .

"Ka bialpa a duh lo ve ringawt", Hriatin a lo ti .

"Hna te nei ve la puitlung ve phawt rawh" Pakhat in a lo ti bawk .

An inhnial ka en reng lai chuan,ka phone a lo ria  .

Number lawng a ni,

"Hello".

"Keimah Remruati,vawinah inhmu ang" a lo ti nghal a .

"Eng vang chuan nge ka hmuh ang che" ka lo ti let ve .

"I laka tianga ka awm chhan te,i hre duh lo em ni "nui hak pah chuan a lo ti .

"Engmaw,i sawi" ka ti leh a .

"Damdawi inah lo kal mai che ,ka cabin ah dar1 bawr ah" tihleh dah a rual nghal

___

Dar khat bawr velah chuan ka damdawi in lo thawh na thin ngei lam chu ka pan a  

Ka hmelhriat te ho chuan min lo be ve sap sap a .

Remruati cabin kawngka chu ka kik a .

"Lo lut rawh" a tih chuan ka lut a .

"Lo thu la, thingpui nge coffee i duh ang" nui deuh sang hian a ti a .

"I sawi duh chu sawi vat la " ka lo ti .

Thlalak 1 hi ka hma ah a lo dah a .

A mah ka va en chuan

" keimah a nihkha ,Remsangpuii" a ti hriam hraih mai .

"E nge i sawi awmzia" 

"I ngaithla duh angem ?" 

"Sawi rawh" 

"I nu leh pa ten min la a ,love house ah ka awm thin, i nuten min lak khan ka lawm em em a, naupang mai ka la ni, mahse khatia nu leh pa ka nei kha nuam ka ti ve em em a, kum1 vel awrh ka awm tih in i nu khan a pai ta che a, "  a nui hul deuh hak a .

"I nu pum chhunga i awm atang chiah khan ka dinhmun chu chhe tak a ni, i pa khan e nge a hriat teh reng ni, min hmu mawh ta tan a ,kum8 mi naupang lek kha a ngaithei ta tlat lo",  thil ngaihtauh ni awm tak hian a ngawi  vung vung a ,a sawi tum hi ka la man thiam thak lo .

" i nu pum chhungah thla 4 i awm tihah khan, Delhi lamah kan zina  i nu leh pa  chuan kei .Kar khat kan awm tihin i pa khawvela mi rapthlak ber hian kan bazar dawn tiin  min chhuah pui a ,i nu chu a nawm loh vangin ,kan thlenna hotel ah khan a awm a .

I pa nen a kan chhuak chu mall pakaht ah min kal puiin ka thil duh zawngte min lei saka  .Khua a thim tep tawh tihah mall kawta nghak turin min tia ,rei tak ka lo nghak a sin, mahse a lo let leh toh lo.

Zan a rei a khawlaiah kha naupang khan a nu leh pa thar zawngin a vak a sin" , a chawl leh det a",  vai palian tak hian, min hruai haw a , vai hi ka lo hlau thin, chu vai pa hausa inah chuan ka cheng ve ta a ,naupang kum8 mi lek khan pawngsual na rapthlak tak a tawk a , vaipa in a duh duh a a chin leh theih ah a chhuak a "  a hmelah chuan thinrimna hlir in a khat a ,a mit te chu a sen rum mai .

" Mahse i nu leh pa te ai ngawt chuan a tha daih zawk, ka taksa kha a chen a ,mahse school te min kaltirin , nikhua ka hre tan a, ka chunga khatianga thil thlen tir tu te chunga phuba lak dan tur bak ngaihtuah ka nei ngai lo, Remsangpuii chu Remruatsangi ka lo ni ta a, mizorama ka lo let khan in chhungkaw chunga phuba lak bak hi tum ka nei lo, i nu a thi tawh tih ka hria a ,i pa tawrh tir kha ka tum reng reng lo, nang a fanu khatianga min dah chhan ngei hi ka bitum ta chiah che a ,tunah chuan ka hlawh tling mek bawk" ,tiin a nui deuh ar ar a ,

Engmah sawi loin ka chhuak a ,a thil sawi kha ka awih lo zawk .

Motor horn ri ka hriat rualin tu in emaw min pawt hrawk a  ,a ri nghal bur bawk .

Kawngpui ka en chu ka khawng nghal vek mai ,Remruati chu thisen nen kawngpuiah a lo let reng a nih chu .

Phei vatin ka sawi a "min pui rawh u" tiin ka au ngahl bawk .

Min pawt leng lawp tu an awm vang chuan ka dak chho a ,Hero hmel buai nak a ,Remruati  thi sen chhuak nuai a pawm kang lai chu ka hmu a .

Tho vatin ka zui a ,damdawi inkawt a accident kan ni bawk a ,damdawiin chhung lam a pan nghal a ,ka zui ve zel .

______________

Zn ah hian ka lo mut thluk san daih zel a ,zing ah lan nau 2 buaupui tur ka nei a .