My prince Charming ❤ ch-12

Chapter-12

4 years later .

" Cinderella ka lo kal" tia cabin kawngkhar a pangpar nena lo ding chu ka nuih sak a ..

Kum 4 kalta a ka accident khan ka lu ka sawh a kum4 chuang lai nikhaw hrelo in ka awm a ,ka harh chhuah tawh an rinloh vanga khawl lakthlak an tum pawn U Rinfela leh U Duatan an phal lo a .Kum 4 chuang zet ,mitthi ang maia ka mut hnuah thla3 hmalam khan ka harh chhuak a .

Mahse, ka ke leh ka kut ka hmang thei tlat lo ,ka harhchhuah  hnuah therapy te ka la tan a.Mahse hma ka sawn chak lo lutuk a ,tun thleng in Mumbai ah hospital cabin pakhatah ka la awm reng a ni .

"I u Duata pawh karleh hian a lo chhuk dawn a ,chuan nangmah su tu che kha an man tawh a " U Rinfela chuan a ti a,Kha accident kha tihpalh nilo a ,min tihnat tum tu an awm vanga thil thleng a ni .

U Rinfela hian a chhui zui a ,ka chhungkua te chuan ka la dam tih an hre  vek,  mahse mihring pangngai ka phak loh vang in ,midang tan chuan mi bo ka ni.

Ka harh chhuah leh atanga ka rilru a awm hmasa ber ka Hero kha a lo lang a .'Min ngai ve a ngem ,min la hre ve reng a ngem,nge nupui dang neiin hlim takin a awm tawh ang '..Chung thil ka ngaihtuah a piang chuan ka tap a ,ka chhungte chanchin ka zawh in min hrilh ngai hek lo .

U Duatan thla tin min lo tlawh a, ka pa leh Hmingi pawn min lo kan zeuh zeuh a .

"E nge i ngaihtuah leh tak vung vung a" ka sam tuai thur pah a ti tu chu ka melh zawk a .

"Mi pakhat" tiin ka nuih sen sen a .

"Thlaleh hian nupui a nei dawn a " ka nghing dawt mai ,

"A ni maw" ka nui ro halh a ,ka tawt up up a ,ka khur hial in ka hria .

"Awm la chuan in innei daih tawh a nga ,hlim takin in awm dun thei tur" min lainat zet a titu vang chuan ka tap chhuak hawk a .

Ka tap bang thei lo ,U Rinfelan min kuah a ka hnungah abeng thek thek a .

"I U Duata lo chhuk hunah a rualin Mizoramah kan haw ang" ka melh kawk a ,ka tap nasa bawk nen ,ka lu a na chhu mai .

"Mahse ngati nge engtin nge ka hmachhawn ang,ka hmangaih ,,mi pawm lai ni mai tawh tur chu kei hian engtin nge ka hmachhawn tak ang" ka ti bah nuai a,ka tah a chhuak leh ut ut tawh .

U Rinfela chu ka bula lo kal hnai in ,ka kut ah a vuan a ,ka mit ah tak min en a ,ka lo melh let ve ran bawk .

"Remsangpuii kum naupang te, a harsatna leh buaina hma a zam ngailo,mi chak tak kha i la ni a lawm" a ti dam dap mai a .

"Mahse kha mi chak kha a hmangaih hma ah meuh chuan a chak zo dawn em ni" tap tiau chuan ka lo ti a .

" inrin tawk na nei rawh Bawihi  , i u leh kei min la nei reng a lawm,a tha em" a tih chuan ka bu nghat nghat a .

Khumah muin ka inngaihtuah a ,tinge reilo te tal min la nghah loh  ka dam fel tep tawh a sin .Min hmangaih ve tawh lo em ni .

Ka mittui chu a luang ngiai ngiai a ,kha accident kha tawk lo ila chuan a bulah, a nupui niin ka ding tawh tur .

Kha thil kha tu tih nge ni ang ,ngati nge ka chungah kher ..ka mittui chu ka dang thei  meuh lo,

Ka  mipa hmangaih ka pasal hial lo ni tep tawh ,hmeichhe dang ta a ni tawh tur chu ka ngai ngam ngang lo ani .

Jerome (hero) pov.

Ka thil tih pawi lutuk bak chu eng mah ka ngaihtuah thei lo .

Khatia Duati a bo atang khan ka nun a mumal lo a zu in ka ching a ,ka zawng reng a kum4 lai a liam ta mahse lo kir tik ni reng a neilo .

Zu ka in tak rengah chuan ka mumal lo tan a ,zankhat ka zu rui hotel a ka riak chu .

Kha Duati thiannu doctor Remruatsangi nen khan ,tihpalh thil thu tak meuh meuh in kan chesual a ,

Keiphei chuan kan awm dan ka hre lo hrim hrim,zinga ka bula ruak a, a lo mu ka hmuh bak .

Thla2 zet a ral hnuah ka fa a pai thu ka hre leh a .Ka pa in a hria a, pawi a ti takzet .Ka nau phei chuan min hmel huat a ,a hmuh pawh min hmu duh lo .

Kha ka hmangaih a thiannu ni bawk kha a lo let leh a ring tlata .Chutia a thiannu ka phatsan ta chu a ngaithiam hauh lo .

Thla1 chuang min hmu duh lo a ,an ina kal a phal lo a ,kan inah pawh ka awmlai in a lo kal ngai lo .

Ka inchhir a ka inthiam lo bawk,Duati kha lo let leh ta se ,engtin nge a awm ang tih ka ngaihtuah ve thin ..

Thlaleh thla tawp ah kan innei dawn a ,moneitu tur hlim lo ber ka ni ang.

Duati thlalak chu ka en a .

"Ka hmangaih ka tihpalh aw,ka tuhrah ka seng a nih hi,min ngaidam ngai suh ang che" tiin ka hmai ka tuai puat a ,ka rilru tawt lutuk hi awm ngaihna min ti hre lo .

"Sir envelope i dawng a" ka p.a in min tih chuan ka la a ,a chhuak leh nghal .

Envelope chu ka hawng a ,ka phu zawk mai .

Ka Duati leh hmana mipa eng Rin tih lampang pa nen a an inkuah lai a ni .Ka lung a phu dup dup a ,thimrim vangin ka in sangmar trawlh trawlh mai .

Lehkha a lo awm leh a 

"Kum4 chhung a bo chhan kha a ni e,a hmangaih lo che hepa hi a hmangaih a ,an tlan dun a nih kha, accident te kha chu lem channa mai a ni Harh chhuak tawh rawh" tih hi a inziak a .

A thawntu hming a inziak lo a ,lehkha leh thlalak chu an ni tawp mai .

Bum chuan ka awm tak tak em ni, mahse ka duati khan hetiang a ti duh lo ang .

Ka rilru tawt lutuk chu ka thaw deuh hawk a ,min va chhawk si lo em .

________________

Muttui u 

Ads kha aw 😍 ..