chapter-19

REMEMBER 🦋 eps 19 

July 05, 2021

🌹🌹🌹🌹🌹🌹🌹🌹🌹🌹🌹🌹🌹

Cindy P.O.V

Ka pumna lutuk chu ka vial ngawih ngawih mai ,ka thlan fim lah a thla deuh phung a. Ka chhungte an awm bawk si lo .Ka thaw hnawh tanin a hreawm ngang mai ,ka khum atang chuan harsa takin ka tho kang a , ka phone lah chu ka makeup table bulah a awm daih bawk si .Muang Chang chuan ka pan a ka vir muai muai ni hian ka hria ,ka lu ka dawm leh vang vang a. 

Vanneihthlak takin ka phone dahna bul chu ka thleng thei hram ka phone chu ka la kang a,ka kutte chu a khur hial , ka mit hmuh a fiah loin a phe ruai a mai ,mit chhing vang vangin ka meng leh a tlemin a zia ta deuh 

Mama chu ka call nghal a ,a ring ral thak a ka thin avan rim tak ,ka pumna lutuk chu ka thi Dawn ni ber hian ka hre tawh. Ka call nawn leh a ala la chuang lo ,a vawinga naah chuan a ring ral tep tihin alo la a ,mahse ka lu rawn hai zual thut chu ka awn riai riai a ,hla taka “hello ,hello" tih leh thil thla ri thak bak chu a thim mup a engmah ka hre zui ta lo 

In hnit faih faih ri ka hria a ,Alo hnai telh telh ni ber-in ka hria ka meng siar siar a alo eng ut mai a ,ka bulah ka nu chuan ka kut vuanin alo kun lapa, a inhnit faih faih ,ka veilamah min hnung chhawn zawngin ka u inkuangkuahin alo ding bawk 

“ Nu "

A ri Chang Chang ani mahse ka nu chuan a hre tho anih hmel rang zetin min en a 

“Bawihte "

A nui chhuak hawk a mahse a mitah erawh mittui a tling khat tlat thung, ka hmaiah tuaiin ka chal leh biang velah min chhuk a , Mama pawh lo thu hnai ve vatin, ka kut a vuan a ani pawh a mit a bui lak a, min nuih var var bawk 

Rei vak loah Doctor leh nurse pahnih an lo lut a , ka harh tih an hmuh chuan an hlim ve hmel fu mai. Ka u nen an inbia a ,reivak loah min min jecsion leh a ka lo muhil leh daih a .Ka harh leh meuh chuan ka bulah Daisy alo awm thung a ,ka harh min hmuh chuan a mittui a khap per sak a ,min lo be vat vat a ka riltam leh tam loh te min zawt bawk. Ka lu ka lo thing a mahse tui min tulh thung a 

Ka hmuhchak em em erawh ka la hmuta chuang lo , reivak lohah chuan ka harh ve ta deuh a. Daisy thil awmzia ka zawh chuan tihian a sawi a 

“ Khatia I u I call khan engmah I sawi ta si lo kha a ngaih a tha lova ,ala hman bawk si lo nen ,Dus a phone a ani lah inah lo awm remchang bawk si lo. Nutei call lehin rang thei ang ber a nutei lo kal chuan, I makeup table bula nikhaw hrelova ilo let reng chu hmu che a taxi ko in damdawi inah an Kal pui ta che ni "

“Anih engchen nge ka awm tawh "

“vawiin nen a chhiar chuan a ni ngana "

“enga "

“immm ni li chhung zet ni khaw hreloin I awm alawm .Kan mangang hlawm teh a sin Dus phei chu a haw duh ngai lo "

Ni li zet maw nikhaw hrelo a ka lo awm ,ngawiteh ka serious viau em ni le cancer te ni vei ta ila, ka ngaihtuah ngam lo 

“Anih khawnge Dus chu" 

Ka ti sap a 

“Tukin zing Khan a duhlo Chung an haw tir a ,a chau lutuk ang tih an hlau a ,ilo harh khan I u in a call ve a, lo chhoh leh a tum nghe nghe mahse an chiu mut leh rih thu che a hrilh a mu zawk turin a hrilh ta zawk a "

Ka van khawngaih reuh tak keimah vangin ni li zet tlaivarin chaw mumal pawh a ei lo chu ni sia .Chutih rualin min ngaihsak tih ka hriatna chuan min tihlim em em bawk si

Siamtei(Dus nu) 

Ka fapa roomah chuan thawm dim takin ka va lut a ,khuma alo mu bal chu ka en a atla ve kuak mai .Asamah chuan ka chul a tiang em em a ka fapa mangang kha ka la hmu ngai lo , ka bulah hial a tap anih kha . Fiona-in a kalsan Ang khan a kalsan leh mai ang tih a hlau em em a ,a tawngtai phah nasa ve hle ni ka fapa hian tiang khawp hian alo Hmangaih anih dawn hi .

.

Kan chhungkua pawn thupui berah neiin kan tawngtai na ah kan theihngilh ngai lova .Ka fapa lahin a kalsan duh bo lo damdawiin ah chhun zan zawmin a awm a engmah a ei duh hek lo ,keini chhung chang ni loin Cindy chhung te lam pawh an mangang hial a ni 

Dus P.O.V

Ka harh chuan tlai lam dar 5 a ri thuak tawh a ,ka harh rual ruala ka rilru a rawn lang leh hmasa ber pawh Cindy bawk ani ka phone lain Roberta ka call nghal a Cindy that thu ka hriat chuan ka thawveng huai a ,ka ngai takzet tawh 

In ka haw chu ka chauh zia ka hre chhuak ve chiah a ,intifaiin zanriah ei turin inhnuai lamah ka chhuk a, ka nuin min lo be vat a chaw pawh ka ei tha ve phian e 

Ka chaw ei kham ka thut laiin Pa Lawma(Cindy pa) alo lut a .Cindy chanchin te sawiin keichu zanin chawl hahdam leh turin min ti a ka lo hnial ta bik lo 

Reivak loah a chhuak leh a Keipawn ka room lamah ka chho leh a , ka khumah ka let tawp a Cindy thlalak leh message te ka en a ,

“ka van ngai tawh Tak che naute"

Tiin ka phun sep a kei mipa biangah mittui a luang thla ve a ,ka rilru chuan ka tawngtai mawlh mawlh a ka chau deuh ania nge ka lo muhil ta daih a 

Cindy P.O.V 

Ka dam tawh viauin ka hria cabinah ka awm bawk nen ka khua a har ,nizan lamah Ka nu te an rim ve bawk nen Daisy-in min riah pui a ,thian hlutna a lang chiang thin e . Chaw pawh ka ei ve thei a mahse thil nem lam leh buh hawp bak an phal lo 

Chaw nem tawk min eitir a ka nin zia ,chaw nem ka ei ngailo hrim hrim mahse ka ei ve nual tho e 

Daisy-in Dus lo kal tur thu a sawi chuan ka phur hle , ka ngaih tawh zia chu ,Daisy chuan min inbual pui a nuam sawng sawng tak ani ,ka zang huai mai 

Dar 10:30 a rik meuh chuan ka inpeih diam tawh Khawngkhar lam ka melh ka melh leh thin alo lang har bawk si chu ka thinrim hlur mai 

“ Hei ,nui rawh" 

Nui var varin Daisy-in alo ti ka chhang lo lo thu hnaiin

“ I nghakhlel lutuk nih kha ,a hunah chuan lo thleng ve mai ang I Romeo chu "

Ka hmui ka lo ti pawrhvak a 

“ I zaklo Sia ahh"

Ka mu tau sawk a min nuih pat pat thung 

A tawp atawpah chuan khawngkhar ain hawng a ,Dus ngei chu alo pen lut a, a cher ve kawk mai ka lo nuih var var a ,mahse ahnunga lut ve ka hmuh rual chuan ka nui lai chu ka tawp chiang hle 

“Kha eitur Kan rawn Ken che a " 

Tih pahin Jessi chuan a eitur ken chu alo lek chhuak a .Daisy chuan nui sanga lawmthu sawi pahin a la a 

Dus chu ka khum bula thutthlengah chuan athu a ,a bulah Jessi pawh a thu ve a min be vei luam a, bung zet zetin ka lo chhang a ,aho emai ka damloh vangah an ngai tho ang ka ti rilru ni 

Rei vak loah ka nu leh mama an lo lut ve bawk a Mama pawn eitur alo keng teuh ka duhzawng hlir ,mahse ka ei thei ange maw

“ Jessi chu ilo Kal ve a ,iva fel ve " ka nu ni nui sang hian a ti a

“Nia ,thian hluite nen kan inhmu Dawn a ,u Dustin rual hian a rem bawk nen ka lo kal a ,ala hma sia ka lo pengkawi ve "

Alo ti vat a ,ka rilru te tein I chak Vvang herh hawrh anih kha, ka lo ti hman hmawh 

Thikthu chhia alo chhuak leh chu keimah leh keimah chu ka inngei hlur mai .Rei vak loah ka nu leh Mama chuan office lam dawr an ngaih vangin min chhuah san a ,ka mood chhe laklawh a Dus pawh ngai viau e tilo chuan ka be tha vak lo 

Jessi phone chu a ri a,ala nghal vat 

“awle ,ka lo chhuak "

Tiin a phone adah a, ading zui nghal , nui var varin 

“lo dam zel rawh ,ka kal phawt nge " ati a ka lo bu ringawt 

Ka ngaihbel nge a chhuah Dawn chuan Dus chu awmze nei zet hian a melhin ka hria 

Kan han ngawi ren rawn a Dus chuan a kut a ka chal rawn khawih pahin 

“i Khua te ala sik em " 

A ti a ka en chu kan mitah tak kan in melh sak mai 

Daisy chuan chhuanlam siamin min chhuahsan zui nghal daih a ,ka duhnu hi ani chiang a lawm a rem hria leh fing lutuk hi .Daisy chhuah hnu chuan min kuah vawng vawng a keilah lo thinrim si ka lo nam sawn a 

Mak ti zet hian min en a 

“ka chau ka peih lo" 

Ka lo ti hmuk a 

“I thinrim ni maw "

“Rim lo"

“Jessi vang kha mi"

“nilo"

A thaw hak a ka en a ka ngaihzia chu kuah vawng vawng ka chak Zia chu ,he chapona leh thikna hi ka haw takzet 

Dus chuan nem thlap hian thil awmzia chu a sawi leh a ka awih thlap .Ka insum zo tawh lo ka kuah thlawp a ,ani pawn min kuah ve vat a 

“ka ngai tawh lutuk che ,naute "

“keipawn ka ngai lutuk che " 

Ka aw chu ka duh lo 

“Tap Suh aw " ka hnungah a chul a kan van hmangaih tak em 

Min kuahna atanga inla hrangin ka chalah a fawp a 

“ka nghak rei tawh"

Tiin min kiss zui nghal aa ,hethil ka ngaih reuh zia chu ....

🌹🌹🌹🌹🌹🌹🌹🌹🌹🌹🌹🌹🌹